Chun leagan inrochtana den ghrafaic Méadú Acmhainne Seirbhíse a fháil cliceáil ar an nasc seo.

Déanfaidh an tionscadal an méid seo a leanas:

Cabhróidh do chuid eolais leis an dearadh a threorú agus cabhróidh sé le hIarnród Éireann ár bpleananna tionscadail a fheabhsú, ag cinntiú go mbeidh sé tairbheach duit féin agus do na pobail ar a mbeidh sé ag freastal orthu.

Tacóidh seachadadh an tionscadail DART+ an Chósta Thuaidh leis na pobail atá ann cheana féin feadh an iarnróid agus tacóidh sé le forbairt inbhuanaithe amach anseo. Freastalóidh an tionscadal ar gach stáisiún reatha feadh na conaire iarnróid idir Lár Chathair Bhaile Átha Cliath agus Stáisiún Mhic Ghiolla Bhríde, Droichead Átha, lena n-áirítear iad siúd atá suite ar Bhrainse Bhinn Éadair, le traenacha faoi thiomáint leictreach a bhfuil lorg carbóin níos ísle acu ná na traenacha díosail reatha. Soláthróidh minicíocht agus cáilíocht na seirbhíse malairt iompair inmharthana do phobail feadh an bhealaigh agus cuideoidh sé le daoine a spreagadh chun aistriú ó ghluaisteáin príobháideacha a úsáid. Cabhróidh sé sin le hÉire chun astaíochtaí gás ceaptha teasa ón iompar a laghdú agus cabhróidh sé le dul i ngleic leis an athrú aeráide.  

Fanfaidh leictriú sínte na Líne Thuaidh, a mhéid is féidir, laistigh den chonair iarnróid atá ann cheana féin. Mar sin féin, d’aithin staidéir a tugadh chun críche go dtí seo líon teoranta idirghabhálacha bonneagair, a bhféadfadh tógáil talún breise a bheith ag teastáil uathu m.sh. fostáisiúin, modhnuithe droichead agus campúin tógála.