DART+ an Iarthair

Réamhrá DART+ Thiar

Bhí comhairliúchán poiblí lárnach don chéim luath-dheartha don tionscadal DART + an Iarthair, rud a chuir ar chumas pobail áitiúla agus príomhpháirtithe leasmhara tionchar a imirt ar chinntí a mbíonn tionchar acu ar nascacht, inrochtaineacht agus ar eispéireas na bpaisinéirí. 

Chuamar i dteagmháil le pobail áitiúla agus leis an bpobal i gcoitinne chun cabhrú linn dearadh Dart + an Iarthair a mhúnlú. Chun a chinntiú go léiríonn an dearadh an dea-chleachtas agus go bhfuil sé chomh cuimsitheach agus is féidir, rinneadh measúnú ar na roghanna trí úsáid a bhaint as sé chritéar, geilleagar, sábháilteacht, comhtháthú, comhshaol, inrochtaineacht agus ionchuimsiú sóisialta, agus gníomhaíocht coirp.

Mar chuid den tréimhse comhairliúcháin phoiblí seo, Tuarascáil ar Thorthaí Chomhairliúcháin Phoiblí 1 agus Tuarascáil ar Thorthaí Chomhairliúcháin Phoiblí 2, ó Lúnasa 2020 go hAibreán 2022, fuair muid bhur n-aiseolas trí bhealaí cumarsáide éagsúla, lena n-áirítear: seimineáir gréasáin ar líne, físghlaonna duine le duine, foirmeacha aiseolais ar líne (ní raibh imeachtaí i láthair go pearsanta indéanta mar gheall ar shrianta Covid-19 a bhí i bhfeidhm an tráth sin); agus trí ríomhphoist agus litreacha.  

Bunaithe ar an aiseolas a fuarthas le linn na tréimhse comhairliúcháin phoiblí, rinne tionscadal DART+ an Iarthair iarratas ar Ordú Iarnróid chuig an mBord Pleanála an 29 Iúil 2022. Deonaíodh ceadú pleanála i mí Iúil 2024, agus bhí tuilleadh faisnéise ag teastáil chun iosta cothabhála flít nua a fhorbairt. Chun tuilleadh eolais a fháil faoin tionscadal seo, féach DART+ Iosta.

Bainfear an méid seo amach leis an tionscadal:

• Méadófar an acmhainn ó 6 dtraein san uair sa treo faoi láthair go dtí 12 thraein san uair sa treo ag brath ar éileamh. Méadófar acmhainn paisinéirí ó 5,000 in 2019 go dtí 13,200 paisinéir
• Astaíochtaí carbóin a laghdú trí thraenacha leictreacha nua a úsáid.
• Tacófar le pobail, gnóthais agus forbairt sa todhchaí trí sheirbhís iompair phoiblí chomhtháite ar ardchaighdeán a sholáthar de réir bheartas an Rialtais lena n-áirítear an Creat Náisiúnta Pleanála agus an Plean Gníomhaithe ar son na hAeráide.

Úsáidfear d'eolas áitiúil don dearadh, cuideoidh sé linn an tionscadal a fheabhsú agus cinnteoidh sé go dea-rud a bheidh sa tionscadal duit féin agus do na pobail a bhfreastalóidh an tionscadal orthu.

Le seachadadh an DART+ an Iarthair seo, tabharfar tacaíocht do phobail atá ann cheana agus tabharfar tacaíocht d'fhorbairt inbhuanaithe sa todhchaí. Freastalóidh sé ar na stáisiúin go léir atá ann cheana feadh an chonair iarnróid idir Stáisiún Mhaigh Nuad agus Stáisiún Bhealach na Páirce M3 go Stáisiún Uí Chonghaile agus chuig Stáisiún Dhuga Spencer atá beartaithe ag baint úsáide as cumhacht leictreach a bhfuil lorg carbóin níos ísle aige ná na traenacha díosail reatha atá á n-úsáid faoi láthair. Soláthróidh minicíocht agus cáilíocht na seirbhíse rogha eile inmharthana iompair do phobail máguaird seachas taisteal príobháideach i ngluaisteáin. Cuideoidh sé seo le hÉirinn plódú bóthair agus astaíochtaí gás ceaptha teasa ó iompar a laghdú, agus ar an gcaoi sin cuideoidh sé le dul i ngleic leis an athrú aeráide.

Leanfaidh leictriú an líne iarnróid pasáiste iarnróid reatha don chuid is mó. Beidh idirghabhálacha lasmuigh Iarnróid Éireann ag teastáil ag go leor ceantair i gcomhair cuid d'eilimintí na scéime amhail:

• Athsholáthar crosaire comhréidh;
• Stáisiún nua beartaithe do Dhuga Spencer
• Atógáil agus/nó feabhsúcháin droichead;
• Tógáil d'fhostáisiúin (chun soláthar cumhachta don líne a éascú), agus;
• Úsáid talún le haghaidh comhdhúile tógála / stórála sealadacha agus gach obair choimhdeach atá riachtanach don tionscadal.