Céimeanna Eile Iosta DART+

Tuilleadh forbartha dearaidh & roghnúchán rogha

Mar thoradh ar roghnú rogha agus ar fhorbairt an dearaidh a rinneadh, forbraíodh an Rogha Roghnaithe atá mar fhócas ag an gcomhairliúchán poiblí seo.  

Nuair a bheidh an próiseas comhairliúcháin phoiblí críochnaithe, déanfar athbhreithniú agus measúnú ar gach aiseolas agus aighneacht a fhaightear mar chuid den chéad chéim eile den fhorbairt dearaidh. Tar éis breithmheas iomlán a dhéanamh ar an aiseolas, ullmhófar tuarascáil aiseolais comhairliúcháin phoiblí chun an próiseas seo a dhoiciméadú, agus déanfar é seo a ionchorprú sa Tuarascáil Roghnaithe Rogha.  

Bainfear úsáid as an bhfaisnéis go léir a bhailíonn foireann an tionscadail chun eolas a thabhairt d’fhorbairt dearaidh an tionscadail a bheidh ina ábhar don Mheasúnacht Tionchair Timpeallachta (MTT), Measúnacht Chuí (AA) (más gá), Measúnacht Riosca i gcás Tuilte Sonrach ar an Suíomh (SSFRA) (más gá), agus ar deireadh cuirfear an t-iarratas ar an Dréacht-Ordú Iarnróid faoi bhráid An Coimisiún Pleanála.  

Próiseas an Ordaithe Iarnróid  

Tá an t-iarratas chuig an gCoimisiún Pleanála ar Ordú Iarnróid mórán mar a chéile leis an bpróiseas pleanála.  

Tá próiseas iarratais an Ordaithe Iarnróid leagtha amach san Acht Iompair (Bonneagar Iarnróid) 2001 (arna leasú) agus déanfar an t-iarratas chuig An Coimisiún Pleanála. Mionsonrófar sa Tuarascáil ar Mheasúnú Tionchair Timpeallachta (TMTT) nádúr agus réim an tionscadail molta agus sainaithneofar agus cuirfear síos ar na tionchair ar an dtimpeallacht. Sonróidh sé freisin bearta a ghlacfar chun na tionchair sin a sheachaint, a laghdú agus/nó monatóireacht a dhéanamh orthu. Tar éis an dréacht-Iarratas ar Ordú Iarnróid a bheith curtha faoi bhráid An Coimisiún Pleanála, tugtar cuireadh don phobal trí fhógraí poiblí aighneachtaí a dhéanamh a bhreithneoidh An Coimisiún Pleanála go cuí orthu mar chuid den phróiseas cinnteoireachta.  

Féadfaidh An Coimisiún Pleanála éisteacht ó bhéal a reáchtáil, chun ligean don phobal tuilleadh rannpháirtíochta a sholáthar sa phróiseas cinnteoireachta don tionscadal seo. Ag éisteacht ó bhéal tabharfaidh foireann tionscadail Iarnród Éireann freagraí ar aighneachtaí agus beidh siad ar fáil lena gceistiú. Féadfaidh aon duine nó comhlacht aighneacht nó tuairim a dhéanamh i scríbhinn chuig an mBord maidir leis an iarratas ar Ordú Iarnróid lena n-áirítear an TMTT agus na ceanglais maidir le Ceannach Éigeantach talún.  

Táimid ag súil leis an iarratas a dhéanamh chuig an gCoimisiún Pleanála i R4 2026. 

 An Próiseas MTT as a dtiocfaidh an Dréacht-Ordú Iarnróid faoi bhráid an Choimisiúin Pleanála

	Proposal Project
Design Process	Screening – is an EIAR required? Scoping – What issues should be considered within the EIAR Baseline Data Collection Assessment of Impacts & Mitigation Proposed Submit Draft Railway Order Application	Public and Stakeholder Consultation